Padarppu Lyrics Sam Mathew's New Kavitha

പടർപ്പ്  

(Padarppu Malayalam Kavitha Lyrics)

മുറ തെറ്റി മാറും കറയേറ്റ
പാടം  നിറയെ  നിന്റെ
മോഹങ്ങള്
ഇരുളില് തന്ന മോഹങ്ങൾ

അകമേ ഉറവയറ്റടയുന്ന
നീരൊഴുക്കിലയായ്
മലരായ് തളിരിടുമ്പോൾ

ഇടവിട്ടുവേദനിക്കുന്നു
താഴ്വാരം, ഇളവെയില്
താണുറങ്ങുന്ന തീരം.

എവിടെയോ എന്നെ
ഓര്ത്തിരിപ്പുണ്ടെന്ന്
കരുതി ഞാനിരിക്കുന്നു.
മോഹമുറിവുമായിക്കുന്നു

ആരോടും
പറഞ്ഞില്ലിതേവരെ..
ആരൊക്കെയിറക്കിവിട്ടി
ട്ടും..

നീ തന്ന നിലാവിനെ
പേറി ഞാന്..
രാവൊക്കെ തനിച്ചു
താണ്ടുന്നു..
കാട്ടുവള്ളിയിലൂടെ
ഇഴഞ്ഞെത്തി..
ആര്ത്തുചുറ്റിവരിഞ്ഞ
കാമത്തിലും..

നീ അന്ധമാം
പ്രേമസംഗീതമായ്..
അന്തരംഗങ്ങളില് ലയിച്ചൂ..

ചോരയിൽ പൊക്കിൾ  
വേരിറങ്ങുന്നുവോ
ചാരമാകുന്ന ബാല്യമേ
ഏതലി

അമ്മയാകുന്നു മാറും
മനസ്സും,നന്മയിൽ ഞാൻ
കുതിർന്നു പൊങ്ങട്ടെ ...

Sakhaavu Malayalam Kavitha Lyrics (Sakhavu Poem by Sam Mathew Sung by Arya Dayal) Naleyee Peetha Pushpangal ..

സഗാവ് കവിത (Sagavu Kavitha)

നാളെയീ പീത പുഷ്പങ്ങൾ കൊഴിഞ്ഞിടും പാതയിൽ നിന്നെ തിരഞ്ഞുറങ്ങും
കൊല്ലപ്പരീക്ഷയെത്താറായ് സഖാവെ കൊല്ലം മുഴുക്കെ ജയിലിലാണോ ?..

എന്റെ ചില്ലയിൽ വെയിലിറങ്ങുമ്പോ ൾ  എന്ത് കൊണ്ടോ പൊള്ളിടുന്നിപ്പോൾ
താഴെ നീയുണ്ടായിരുന്നപ്പോൾ ഞാനറിഞ്ഞില്ല വേനലും വെയിലും
നിന്റെ ചങ്കുപിളർക്കുന്ന  മുദ്രാവാക്യമില്ലാത്ത  മണ്ണിൽമടുത്തു  ഞാൻ ..

എത്ര  കാലങ്ങളായ് ഞാനീവിടെ  , ത്തെത്ര  പൂക്കാലമെന്നെ തൊടാതെ പോയ്
നിൻറെ കൈപ്പട  നെഞ്ചിൽ പടർന്ന നാൾ എൻറെ വേരിൽ പൊടിഞ്ഞു വസന്തവും
നീ  തനിച്ചിരിക്കാറുള്ളിടത്തെന്റെ  പീത പുഷ്പങ്ങൾ ആറിക്കിടക്കുന്നു..

കാരിരുമ്പഴിക്കുള്ളിൽ  കിടന്നു നീ എന്റെ പൂവിൻ  ഗന്ധം കുടിക്കണം
നിന്റെ ചോരക്കണങ്ങളാണെന്നിൽ പീത പുഷ്പ്ങ്ങളൊക്കെ തൊടുത്തതും
ആയുധങ്ങളാണല്ലോ സഗാവേ നിന്റെ ചോര ചൂടാൻ കാത്തിരുന്നതും...

തോരണങ്ങളിൽ സന്ധ്യ ചേക്കേറുന്നു പൂമരങ്ങൾ പെയ്തു തോരുന്നു
പ്രേമമായിരുന്നെന്നിൽ സഗാവേ പേടിയായിരുന്നെന്നും പറഞ്ഞിടാൻ
വരും ജന്മമുണ്ടെങ്കിലീ പൂമരം നിന്റെ ചങ്കിലെ പെണ്ണായ് പിറന്നിടും...

നാളെയീ പീത പുഷ്പങ്ങൾ പൊഴിഞ്ഞിടും  പാതയിൽ നിന്നെ തിരഞ്ഞുറങ്ങും
കൊല്ലപ്പരീക്ഷയെത്താറായ് സഖാവെ കൊല്ലം മുഴുക്കെ ജയിലിലാണോ ?..

ഡിസി ബുക്ക്സ് വേർഷൻ